ആധുനിക നെറ്റ് വർക്ക് മാർക്കറ്റിംഗ് ബിസിനസ്സുകൾ ഹറാമാകുന്നതിനുള്ള കാരണങ്ങൾ.!

ആധുനിക നെറ്റ് വർക്ക് മാർക്കറ്റിംഗ് ബിസിനസ്സുകൾ ഹറാമാകുന്നതിനുള്ള കാരണങ്ങൾ.!

അവലംബം : ദാറുൽ ഇഫ്താ ദാറുൽ ഉലൂം ദേവ്ബന്ദ്

ചോദ്യം : 1703

1️⃣ പുതിയ മെംബറിനെ ചേർക്കുക എന്ന നിബന്ധന കച്ചവടത്തിന് നിമിത്തമായ ( مفتضي) തല്ലാത്ത ശർത്വ് വക്കലാണ്. 

ആയതിനാൽ ഇത് കച്ചവടത്തെ അസാധുവാക്കുന്നു.

وکل شرط لا یقتضیہ العقد وفیہ منفعة لأحد المتعاقدین أو للمعقود علیہ وهو من أهل الاستحقاق یفسدہ (هدایه: ۳/۵۹)

2️⃣ ഇവിടെ കച്ചവടമല്ല അടിസ്ഥാനമാക്കുന്നത് മറിച്ച് ആളെ ചേർക്കുന്നതിനെയാണ്.

തന്മൂലം ഇഷ്ടം പ്രവർത്തിക്കാൻ (اختيار) ഇടമില്ലാത്ത വിധം പല സാധങ്ങളും നിർബന്ധിതനായി വാങ്ങേണ്ടി വരുന്നു.

ഇത് കച്ചവടത്തെ അസാധുവാക്കുന്ന നിബന്ധനയാണ്..അതോടൊപ്പം കച്ചവടം തൃപ്തിയില്ലാത്തതാവുകയും ചെയ്യുന്നു.

یٰاَیُّها الَّذِینَ آمَنُوْا لاَتَاْکُلُوْا اَمْوَالَکُمْ بَیْنَکُمْ بِالْبَاطِلِ اِلاَّ اَن تَکُونَ تِجَارَةً عَن تَرَاضٍ مِّنکُمْ (البقرة: ۱۸۸)

3️⃣ കച്ചവടച്ചരക്കിന് മാർക്കറ്റിലുള്ളതിനേക്കാൾ കൂടുതൽ ഭീമമായ തുക നൽകേണ്ടി വരുന്നു ആയതിനാൽ തരം താഴ്ന്ന വലിയ നഷ്ടം ( غبن فاحش ) സംഭവിക്കുന്നു.!

ആയതിനാൽ അനുവദനീയമല്ല.

4️⃣ ഇതിലുള്ള പങ്ക് കചവടത്തെ ശരീഅത് പ്രതിപാദിക്കുന്ന شرکتِ عنان، شرکتِ مفاوضہ یا مضاربت ഇവയിലൊന്നിലും പെടുന്നില്ല.

5️⃣ ഇനി ഇതിലെ കൂലി/ വേതനം എന്ന നിലക്ക് വ്യാഖാനിച്ചാൽ പോലും അവയ്ക്ക് വേണ്ട നിബന്ധനകളും ഇവിടെ ശരിയായി വരുന്നില്ല.

ജോലി എത്ര , വേതനം എത്ര എന്നത് നിർണ്ണിതമല്ല.

(പരിശ്രമം ചിലപ്പോഴെങ്കിലും പാഴാകുന്നു..അതിനോ വേതനമില്ല താനും.. അപ്പോ ഇത് കൂലി വേലയിൽ പെടുത്താവതല്ല.)

6️⃣ ബ്രോക്കർ/ കമ്മീഷൻ എന്ന നിലയിലും ഇത് ശരിയാവില്ല.

കാരണം താൻ ഒരാളെ ചേർക്കുന്നതിന് കമ്മീഷൻ എന്ന് പറയാം എന്നാൽ നമ്മൾ ചേർത്തയാൾ ഒരാളെ ചേർക്കുമ്പോ അതിൽ നിന്നും വിഹിതം പറ്റുന്നത് എങ്ങനെ കമ്മീഷൻ ആകും.!?

7️⃣ മെമ്പറിനെ ചേർക്കുന്നതിനനുസരിച്ചാണ് ഇതിൽ വേതനം വരുന്നത്..മെമ്പറ് ചേരുക എന്നത് അവ്യക്തത നിറഞ്ഞതും ഉറപ്പില്ലാത്തതുമായതിനാൽ പല പരിശ്രമങ്ങളും പാഴാകുന്നു..പലപ്പോഴും മെമ്പറെ ലഭിക്കാതെ വരുന്നു..രണ്ടിനും സാധ്യതയുള്ള ഒന്നിലേക്ക് വേതനത്തെ ബന്ധിപ്പിക്കൽ കൃത്യമായ ഹറാം തന്നെയാണ്.

അത് ചൂതാട്ടമാണ്.

یٰاَیُّها الَّذِینَ آمَنُوْا اِنَّمَا الْخَمْرُ وَالْمَیْسِرُ وَالاَنصَابُ وَالاَزْلاَمُ رِجْسٌ مِّنْ عَمَلِ الشَّیْطٰنِ فَاجْتَنِبُوْہُ لَعَلَّکُمْ تُفْلِحُونَo (المائدة:۹۰)

8️⃣ ഏറ്റവും മുകളിലുള്ള മെമ്പറിന് ഒരധ്വാനവും കൂടാതെ ഏറ്റവും താഴെ തട്ടിലുള്ള മെമ്പറിൻറെ പരിശ്രമത്തിൻറെയും ത്യാഗത്തിൻറേയും ഓഹരി ലഭിക്കുന്നു..ഇത് തീർത്തും ഹറാമാണ്.

9️⃣ മെമ്പർ ഫീസ് തന്നെ അനുവദനീയമല്ല.

🔟 ശെയർ പുതുക്കൽ എന്ന നിലയിൽ എല്ലാ വർഷവും ഫീസ് ഈടാക്കലും അനുവദനീയമല്ല.

1️⃣1️⃣ മെമ്പറിനെ ചേർക്കാത്ത പക്ഷം കച്ചവടച്ചരക്കിൻറെ വിലയേക്കാൾ വളരെ ഉയര്‍ന്ന വില നൽകേണ്ടി വരുന്നു..ഇത് അനുവദനീയമല്ല.

1️⃣2️⃣ കമ്പനി പറയുന്ന രൂപത്തിലുള്ള പ്രയോജനം ലഭിക്കണമെങ്കിൽ എല്ലാമാസവും 100 രൂപ (നിശ്ചിത തുക) യുടെ ചരക്ക് വാങ്ങണം എന്ന നിബന്ധനയും അനുവദനീയമല്ല.

സമ്പാ: മുഹമ്മദ് ഇഖ്ബാൽ ജമാൽ.